Հայաստանի արտաքին գործոց նախարար Էդուարդ Նալպանտեանը Դեկտեմբեր 1-ին ընդունած է Հարաւային Կովկասի եւ Վրաստանի մէջ ճգնաժամի հարցերով ԵՄ յատուկ ներկայացուցիչ Թոյուօ Գլաարը:
ՀՀ ԱԳՆ-էն կը յայտնեն, որ նախարար Նալպանտեանը շնորհաւորած է Թոյուօ Գլաարին պաշտօնը ստանձնելու առնչութեանբ եւ յաջողութիւն մաղթած անոր` յոյս յայտնելով, որ ԵՄ նորանշանակ յատուկ ներկայացուցիչը` իր իրաւագիրի ծիրէն ներս պիտի նպաստէ առկայ հիմնահարցերու կարգաւորման:
Հանդիպման ընթացքին քննարկուեցան Հայաստան-եւրամիութիւն յարաբերութիւններուն առնչուող հարցեր, փոխադարձաբար կարեւորուեցաւ Համապարփակ եւ ընդլայնուած գործընկերութեան համաձայնագրի ստորագրումը` նշելով, որ այն ամուր իրաւական հիմք է ՀՀ եւ ԵՄ միջեւ համագործակցութեան առաւել ամրապնդման եւ խորացման համար:
Էդուարդ Նալպանտեանը զրուցակիցին ներկայացուցած է ղարաբաղեան հիմնախնդիրի բացառապէս խաղաղ կարգաւորման վերաբերեալ Հայաստանի մօտեցումները, ինչպէս նաեւ այդ ուղղութեամբ Հայաստանի եւ ԵԱՀԿ Մինսկի խումբի համանախագահ երկիրներու համատեղ ջանքերը:
Շնորհակալութիւն յայտնելով բարեմաղթանքներու համար՝ Թոյուօ Գլաարը նշած է, որ ամենայն պատասխանատուութեամբ կը մօտենայ իր առաքելութեան եւ վերահաստատած Եւրոպական միութեան աջակցութիւնը ԵԱՀԿ Մինսկի խումբի համանախագահներու ջանքերուն եւ մօտեցումներուն` ուղղուած ղարաբաղեան հիմնահարցի բացառապէս խաղաղ կարգաւորման:
Զրուցակիցները մտքեր փոխանակած են տարածաշրջանային եւ միջազգային հրատապ խնդիրներու շուրջ:
