Նիւ Եորքի Մեթրոփոլիթէն թանգարանին մէջ յաջորդ տարի պիտի բացուի մեծ ցուցահանդէս նուիրուած հայ միջնադարեան մշակոյթին: Ցուցադրութեան շնորհանդէսը տեղի պիտի ունենայ Նոյեմբեր 30–ին Քալիֆորնիոյ Հայկական թանգարանին մէջ: Այս մասին կը հաղորդէ «armenianweekly»-ն:
«Նիւ Եորքի Մեթրոփոլիթէն թանգարանէն դոկտոր Հելէն Էվանս պիտի պատմէ 2018 Սեպտեմբեր 21-էն մինչեւ 2019 Յունուար 13 սպասուող ցուցահանդէսին մասին, որ նուիրուած է հայ միջնադարեան մշակոյթին»,– նշուած է յօդուածին մէջ:
Հայերը շատ լաւ գիտեն, որ իրենց նախնիները ապրած են Արարատի լանջին, եւ որ իրենք են աշխարհի մէջ Քրիստոնէութիւնը առաջինը ընդունած ազգը:
Բայց աշխարհի մէջ ո՛չ միշտ կը պատկերացնեն այն հարստութիւնն ու բազմազանութիւնը, որ ամփոփուած է հայ միջնադարեան արուեստին մէջ: Իսկ միջնադարուն հնագոյն ազգի ներկայացուցիչները մեծ դեր ունէին համաշխարհային առեւտուրին մէջ եւ տարածուած էին աշխարհի մէջ:
Դոկտոր Էվանսը պիտի պատմէ Հայաստանի քրիստոնէացման, Հայ միջնադարեան մշակոյթի զարգացման եւ համաշխարհային մշակոյթի վրայ հայկականի ազդեցութեան մասին:
Միւս շնորհանդէսը յայտնի լուսանկարիչ Հրայր Բազէ Խաչերեանինն է:
Երբ ան յաջողեցաւ բուժուիլ դարու հիւանդութենէն` քաղցկեղէն, ան ինքզինք նուիրեց հայ մշակութային ժառանգութիւնը ժապաւէնին յանձնելու գործին:
Սպասուող ցուցադրութեան պաշտօնական լուսանկարիչը` Խաչերեանը, պիտի ներկայացնէ նաեւ իր նոր գիրքը` «Խաչքար»-ը:
Նշենք, որ Ամերիկայի Հայկական թանգարանին մէջ կը պահպանուին մշակոյթի գործեր, որոնք նուիրած են հայ ընտանիքները` աշխարհի տարբեր երկիրներէ:
