Մեծանուն հայ երգահան Տիգրան Մանսուրեան միաժամանակ երկու անուանակարգերու մէջ առաջադրուած է «Կրեմի» երաժշտական մրցանակին: Այս մասին կը յայտնէ մրցանակաբաշխութեան պաշտօնական կայքը:
Մանսուրեանի հեղինակած «Ռեքվիեմ»-ը ներկայացուած է «Լաւագոյն երգչախմբային ներկայացում» եւ «Լաւագոյն ժամանակակից դասական ստեղծագործութիւն» անուանակարգերուն:
«Կրեմի»-ին առաջադրուած է նաեւ Տիգրան Մանսուրեանի արտադրող Մանֆրետ Այխըրը` որպէս «տարուան արտադրող դասական ոճի մէջ»:
«Կրեմի»-ի 60-րդ մրցանակաբաշխութիւնը տեղի պիտի ունենայ Յունուար 28-ին Նիւ Եորքի մէջ:
