Զբօսաշրջութեան համաշխարհային կազմակերպութիւնը (UNWTO) հրապարակած է աշխարհի ճամբորդութեան համար լաւագոյն 20 վայրերու ցանկը: Հայաստան ներառուած է այս ցանկին մէջ: Այս մասին կը տեղեկացնէ «Փանորամա»-ն՝ վկայակոչելով «Travel and Leisure» պարբերականը:
Կազմակերպութիւնը կ՛ուսումնասիրէ միջազգային այցելուները եւ կը ներկայացնէ տեղեկութիւն, թէ որ պետութիւնները հետաքրքրութիւն կը ներկայացնեն զբօսաշրջիկներու համար: Անցեալ տարի զբօսաշրջիկներու մեծ հոսք նկատուած է նաեւ դէպի Հայաստան:
«Իր երկարամեայ պատմութեան ընթացքին (աւելի քան 3000 տարի) Հայաստան կը տառապի հակամարտութեան պատճառով: Սակայն իրավիճակը կայունացած է, անցեալ տարի զբօսաշրջութեան ոլորտի մէջ 18 տոկոսով աճ արձանագրուած է: Ան աշխարհի մէջ առաջին քրիստոնէական պետութիւնն է, եւ զբօսաշրջիկներուն ամենաշատը կը գրաւեն այնտեղի հազարամեակներու պատմութիւն ունեցող վանքերը»,-գրած է կազմակերպութիւնը:
Նաեւ կը նշուի, որ հակառակ երկարատեւ հակամարտութիւններուն, Միջին Արեւելքի պետութիւններուն մէջ` Եգիպտոս, Թունիս, նոյնպէս զբօսաշրջիկներու մեծ հոսք կայ:
