Հինգշաբթի, 25. 07. 2024

spot_img

Լիբանանի Անկախութեան Տօնակատարութիւնը Հայ Աւետարանական Գոլէճին Մէջ

24 Նոյեմբեր 2017-ին ՀԱԳ-ի աշակերտները բազմաբնոյթ գործունէութիւններով նշեցին Լիբանանի անկախութիւնը:

Յատուկ լիբանանեան ուտեստեղէններով հիւրասիրուելէ ետք, աշակերտները իրենց ափի դրոշմով պատրաստեցին լիբանանեան դրօշակ մը` իրենց ինքնութեան մաս յայտարարելով լիբանանցիութիւնը: Հայրենասիրական երգերու մթնոլորտի մէջ անոնք խաղցան տոհմիկ լիբանանեան խաղեր:

Ճոխ գործունէութիւններէն ետք աշակերտները եւ ուսուցչական կազմը հաւաքուեցան հանդիսասրահին մէջ, ուր տեղի ունեցաւ պաշտօնական հանդիսութիւն ներկայութեամբ բանակի հրամանատարութեան ներկայացուցիչներ  գնդապետ Ալա Պասպուսին, հարիւրապետ Միշէլ Սարժիին եւ կրտսեր հարիւրապետ Իմատ Մաթարին: Աշակերտական ելոյթներէ ետք խօսք առաւ հարիւրապետ Սարժի, որ տեսերիզով ներկայացուց բանակի կազմութիւնը եւ սխրանքները` շեշտելով անոր դերը անկախութեան պաշտպանութեան գործին մէջ: Հանդիսութեան աւարտին ելոյթ ունեցաւ արաբերէնի ուսուցիչ, բանաստեղծ Լամիհ էլ Հոր, որմէ ետք տնօրէն Դոկտ. Արմէն Իւրնէշլեան գնդապետ Պասպուսին յանձնեց մայրիի ծառի տեսքով յուշանուէր մը փոխանցելու համար բանակի հրամանատարութեան:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին