Փարիզի մէջ ընթացող ֆրանսախօս երկիրներու նախարարներու համաժողովին Հայաստանի արտաքին գործոց նախարար Էդուարդ Նալպանտեան ստանձնեց 84 անդամ, պաշտօնակից եւ դիտորդ պետութիւն ու կառավարութիւն միաւորող ֆրանսախօս երկիրներու միջազգային կազմակերպութեան արտաքին գործոց նախարարներու համաժողովին նախագահութիւնը: Այս մասին կը հաղորդեն ՀՀ արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութենէն:
Համաժողովի աւարտին տեղի ունեցած հանդիսաւոր արարողութեան ընթացքին Մատակասքարի արտաքին գործոց նախարար Անրի Ռապարինձական Հայաստանի արտաքին քաղաքական գերատեսչութեան ղեկավար Էդուարդ Նալպանտեանին փոխանցեց ֆրանսախօս երկիրներու նախարարներու համաժողովին նախագահութիւնը:
