Մանկական Եւրոտեսիլ 2017 երգի մրցոյթի մասնակից երկիրներու վիճակահանութիւնը Նոյեմբեր 20-ին կայացած է Թիֆլիսի ազգային խորհրդարանական գրադարանին մէջ ձեռնարկի բացման պաշտօնական արարողութեան ժամանակ։ Այս մասին, ըստ «Artsakhpress.am»-ի, կը տեղեկացնէ «Sputnik»-ը:
Երգի մանկական տասնհինգերորդ ամէնամեայ մրցոյթը Նոյեմբեր 26-ին տեղի պիտի ունենայ Թիֆլիսի Ողիմպիական պալատին մէջ: Այս տարուան կարգախօսն է «Վառ շողա»: Հայաստանը ներկայացնող Միշան 16 մասնակիցներու մէջ ելոյթ պիտի ունենայ չորրորդը: Մրցոյթը պիտի բանայ Կիպրոսի ներկայացուցիչ Նիքոլ Նիքոլաուն, իսկ պիտի եզրափակէ Իտալիոյ ներկայացուցիչ Մարիա Իսիտէ Ֆիորէն:
