«The New York Times» պարբերականը հրապարակած է Հայոց Ցեղասպանութեան վերաբերեալ փաստագրական ֆիլմի` «Intent to Destroy» կարճ ակնարկը:
«Ճանչցուած փաստը ընդունելու փոխարէն անիկա սադրանքներու համար թեմայ դարձած է, քանի որ Թուրքիոյ կառավարութիւնը կը շարունակէ արհամարհել կամ ժխտել այդ օրերու իրադարձութիւնները:
«Բեմադրիչ Ճօ Պերլինկըր ֆիլմին մէջ օգտագործած է Հայոց Ցեղասպանութիւնը վերապրածներու հին տեսանիւթերը եւ յանցագործութիւններու վերաբերեալ պատմաբաններու կարծիքները»,-նշուած է յօդուածին մէջ:
Պարբերականը կը նշէ, որ Թուրքիոյ կառավարութիւնը Ճօ Պերլինկըրի արհեստանոցին վրայ ճնշումներ գործադրած է:
«Հիմնականօրէն, «Intent to Destroy» ֆիլմը կոչ կ՛ընէ յիշելու զոհերը եւ յանուն անոնց եւ յանուն մեզի:
«Եթէ դուք կը ցանկաք իմանալ Հարաւսլաւիոյ, եթէ դուք կը ցանկանաք իմանալ Ռուանտայի եւ այսօր տեղի ունեցող այլ զանգուածային վայրագութիւններու մասին, ապա դուք պէտք է ուսումնասիրեք Հայոց Ցեղասպանութիւնը»,-նշուած է յօդուածին մէջ:
Փաստագրական ֆիլմի վերջը գիտնական մը նշած է. «Պատմութիւնը անցեալի մէջ չէ»:
