Փորթուկալ հրատարակած է «Եւրատեսիլ-2018» երաժշտական մրցոյթի մասնակից 42 երկիրներու ցանկը:
Մրցոյթի կարգախօսը պիտի ըլլայ «Բոլորը դէպի տախտակամած» արտայայտութիւնը:
Այս մասին կը յայտնէ «LifeNews»-ը` յղում ընելով մրցոյթի կազմակերպիչներուն:
«All Aboard !» (Բոլորը դէպի տախտակամած) թեմատիկ կարգախօսով բոլորը կը հրաւիրուին Եւրոպա եւ երաժշտութեան տօնին»,- կ՛ըսուի հաղորդագրութեան մէջ:
Անոնց խօսքով` երաժշտական տօնի գլխաւոր թեման պիտի ըլլայ Ովկիանոսը, որ կը միաւորէ բոլորս, եւ անոր բազմազանութիւնը կրնայ ոգեշնչել իւրաքանչիւր մասնակից:
«Եւրատեսիլ»-ի կիսաեզրափակիչը տեղի պիտի ունենայ Լիզպոնի մէջ, Մայիս 8-ին եւ 10-ին, եզրափակիչը` Մայիս 12-ին:
