«LA Weekly»-ն անդրադարձած է ամերիկաբնակ բեմադրիչ Աւօ Ջոն Քամբուրեանի` Հայոց Ցեղասպանութեան զոհերու եւ անոնց ժառանգներու յաջողութեան պատմութիւններուն մասին ֆիլմաշարքին: «Echoes of Survival» ֆիլմաշարքի գաղափարը յառաջացած է մի քանի տարի առաջ, երբ ամբողջ աշխարհի հայերը կը պատրաստուէին Հայոց Ցեղասպանութեան 100-րդ տարելիցին:
«Մենք կը խօսինք ցեղասպանութեան ընթացքին սպաննուած 1.5 միլիոն հայերու մասին` մոռնալով պատմել անոնց մէջ եղած տաղանադաւոր անհատներու ձեռքբերումներու, նորարարութիւններու, ինչպէս նաեւ մշակութային բազմաթիւ կորուտներու մասին»,- ըստ «Փանարմինիըն»-ի՝ պարբերականին ըսած է բեմադրիչը:
5 մասէ բաղկացած փաստագրական ֆիլմը առաջին անգամ ցուցադրուած է Նոյեմբեր 4-ին «Arpa» միջազգային շարժանկարի փառատօնի ծիրէն ներս:
«Սան Ֆերնանտոյի մէջ ծնած Քամբուրեանի ընտանիքը Միացեակ Նահանգներ տեղափոխուած է Սուրիայէն: 2012-ին ան այցելած է Արեւմտեան Հայաստան ու ներկայ գտնուած նախապէս հայերով բնակեցուած վայրերու մէջ: Այս ուղեւորութիւնը օգնած է անոր ԱՄՆ վերադառնալէ ետք ֆիլմի ստեղծագործական աշխատանքներուն», -կը գրէ պարբերականը:
«Echoes of Survival»-ի մէջ կը ներկայացուին աշխարհի տարբեր անկիւններու մէջ ապրող հայերու` արուեստի, մշակոյթի, գիտութեան ոլորտներու մէջ ունեցած ձեռքբերումները, եւ այն, թէ ի՛նչպէս ազգային ինքնութիւնը կ՛ազդէ անոնց մասնագիտական գործունէութեան վրայ:
