Հայաստան 2018-ին Եւրոպական Միութենէն եւ եւրոպական կառոյցներէն 70 միլիոն եւրոյի աջակցութիւն պիտի ստանայ դրամաշնորհներու եւ վարկային միջոցների տեսքով: Ազգային ժողովին մէջ ՀՀ 2018-ի ամավարկի նախագիծի քննարկման ընթացքին այս մասին ըսած է ՀՀ երեւմուտքի նախարարի առաջին տեղակալ Ատոմ Ջանջուղազեան:
«Այդ գումարին մէկ մասը` 11.5 միլիոն եւրոն պիւտճետային աջակցութիւն է, իսկ 58.5 միլիոն եւրոն վարկային եւ դրամաշնորհային միջոցներ են»,- «Արմենփրես»-ի փոխանցմամբ` ընդգծած է Ջանջուղազեան:
Ան աւելցուցած է, որ այդ 58.5 միլիոն եւրոյէն 25 միլիոն եւրոն դրամաշնորհային աջակցութիւն է, մնացածը վարկային միջոցներ են, որոնք պիտի ուղղուին տարբեր ծրագիրներու իրականացման:
Ընդհանուր առմամբ Հայաստան Եւրոմիութենէն աջակցութիւն պիտի ստանայ 15 վարկային եւ 14 դրամաշնորհային ծրագիրներու շրջագիծէն ներս:
