Երբ Թուրքիոյ նախագահ Ռեճեփ Թայիփ Էրտողան կը յայտարարէ, որ Լեռնային Ղարաբաղի հիմնախնդիրը ինչպէս Ատրպէյճանի, այնպէս ալ իրենց համար արիւնահոսող վէրք է, պէտք է հասկնայ, որ Թուրքիան իրաւական եւ բարոյական որեւէ հիմք չունի խառնուելու հակամարտութեան կարգաւորման: Panorama.am-ի փոխանցմամբ՝ ըսած է Արցախի նախագահի մամուլի քարտուղար Դաւիթ Բաբայեան:
«Թուրքիան, ըլլալով ցեղասպան պետութիւն, իրաւունք չունի խօսելու բաց վէրքերու մասին: Արցախը իրեն համար բաց վէրք է, իսկ Հայոց Ցեղասպանութիւնը, յոյներու, քիւրտերու, եզիտիներու, պուլկարներու եւ ասորիներու ցեղասպանութիւնները բաց վէրք չե՞ն: Այսպիսի մօտեցումը ֆաշիզմի, խտրականութեան գարշելի դրսեւորում է: Թուրքիան երկիր մըն է, որ չի թաքցներ իր քաղաքական յաւակնութիւնները:
«Չունենալով նման յայտարարարութիւններ ընելու ոչ բարոյական, ոչ իրաւական հիմքեր` այդ երկիրը ամէն պարագայի նման jայտարարութիւններ կ՛ընէ: Թուրքիան երբեք չէ թաքցուցած, որ ինք Ատրպէյճանի գլխաւոր հովանաւորն է: Սա երկիր մըն է, որը Ատրպէյճանին աջակցած է նաեւ ապրիլեան պատերազմի ժամանակ` այնտեղ ուղարկելով վարձկաններ: Սա երկիր մըն է, որը կը շարունակէ շրջափակման մէջ պահել Հայաստանը»,- նշած է Դաւիթ Բաբայեան:
Արցախի նախագահի մամուլի քարտուղարին խօսքով, Թուրքիոյ այսօ տեսակի յայտարարութիւնները ցոյց կու տան, որ հայկական կողմը պէտք է զգօն ըլլայ: Անոր համոզումով, եթէ տարածաշրջանին մէջ չըլլային զսպիչ ուժեր, Թուրքիան վաղուց յարձակում կը գործէր Հայաստանի եւ Արցախի դէմ, ինչպէս որ կ՛ընէ Սուրիոյ եւ Իրաքի քիւրտերուն դէմ:
Յիշեցնենք, որ Հոկտեմբեր 30-ին Ատրպէյճան մեկնած Թուրքիոյ նախագահ Ռեճեփ Թայիփ Էրտողան հարցազրոյց տուած է ատրպէյճանական գործակալութեան եւ անդրադարձած ղարաբաղեան հիմնահարցին:
էրտողան մասնաւորապէս ըսած է. «Լեռնային Ղարաբաղի հիմնախնդիրը մեզի համար արիւնահոսող վէրք է, ինչպէս եւ Ատրպէյճանի համար»:
