Հինգշաբթի, 25. 07. 2024

spot_img

Արցախը Այսօր – Ամենասպասուած Նուէրը՝ Դպրոցի Նորոգումը

*ՆՈՐԱՅՐ ՅՈՎՍԷՓԵԱՆ*

Քաշաթաղի շրջանի հիւսիսային համայնքներէն՝ Հակի մէջ, տեղի ունեցած է վերակառուցուած դպրոցի բացման հանդիսաւոր արարողութիւնը: Գիւղի կրթօճախի վերակառուցման օժանդակած են՝ «Թիւֆէնկեան» հիմնադրամն ու «Հայրենասէր»  բարեգործական կազմակերպութիւնը:

Հարուստ պատմութիւն եւ պատմութենէ մնացած՝ հարուստ ժառանգութիւն ունի Հակ գիւղը: 20-րդ դարու սկզբն է, որ բնիկ զտումներու ենթարկուած է եւ՝ հայաթափուած: Ազատագրուած է արցախեան պատերազմի տարիներուն: Ազատագրումէն ետք, ինչպէս Քաշաթաղի շրջանի շատ գիւղերու մէջ՝ Հակի մէջ եւս սկսուած են վերակառուցման, վերաբնակեցման աշխատանքները: Եւ բաւական յաջող: Այսօր Հակը Արցախի արագ զարգացող գիւղերէն մէկն է. աւելի քան 100 բնակիչ ունի, որու կէսը, կարելի է ըսել, երեխաները կը կազմեն: Երիտասարդ ընտանիքներով հարուստ Հակ գիւղի երեխաներու թիւը՝ յառաջիկայ տարիներուն միայն աւելնալու է: Միայն այդ հեռանկարը անյետաձգելի կը դարձնէր գիւղի դպրոցի վերակառուցմանն ու բարեկարգմանը։

Մինչ վերակառուցումը՝ Հակի դպրոցը անմխիթար վիճակի մէջ էր. շէնքի մէկ մասը ամբողջովին քանդուած էր: Մօտ չորս ամիս տեւած վերանորոգման աշխատանքներու արդիւնքին, կրթօճախը անճանաչելի դարձած էր: Շէնքի տանիքը փոխուած է, յատակը նորոգուած, տեղադրուած են նոր դռներ ու պատուհաններ,  կառուցուած են սանհանգոյցներ:«Թիւֆէնկեան» եւ «Հայրենասէր» բարեգործական կազմակերպութիւններու պատասխանատուները՝ Ռաֆֆի Դուդաքլեանն ու Նելլի Մարտիրոսեան կարմիր ժապաւէն կտրած են՝ խորհրդանշելով այդ աշխատանքներու աւարտը: «Եւ «Թիւֆէնկեան» հիմնադրամը, եւ «Հայրենասէր» կազմակերպութիւնը Քաշաթաղի շրջանը աշխատելու բաւական երկար փորձ ունինք: Լաւ գիտենք, թէ շրջանի համայնքներէն իւրաքանչիւրը ինչի կարիքը ունի: Այնպէս որ, երբ հերթը հասաւ Հակին, միանշանակ պարզ էր, որ պէտք է նախ եւ առաջ դպրոցը վերանորոգուի,- (կը պատմէ «Հայրենասէր» կազմակերպութեան համահիմնադիր Ստեփան Սարգիսեան), արդիւնքը եղաւ՝ վերանորոգման աշխատանքները իրականացուեցան զարմանալիօրէն արագ։ Երբ գիտցանք, որ այս գիւղը շուրջ 40 երեխայ արդէն դպրոցականի տարիքի կը հասնին, շատ արագ որոշեցինք, որ Հակի մէջ առաջին հերթին պէտք է դպրոցը վերանորոգուի։ Ծրագիրի անյետաձգելի ըլլալը կը հիմնաւորէ «Թիւֆէնկեան» բարեգործական հիմնադրամի գործադիր տնօրէն՝ Ռաֆֆի Թութաքլեան»:

Վերանորոգուած դպրոցը միայն կրթօճախ չըլլար, այն նաեւ համայնքային կեդրոնի գործառոյթներու մէկ մասը, կը կատարէ՝ հանրային, մշակութային, մանկապատանեկան եւ մարզական միջոցառումներու կազմակերպման հնարաւորութիւններով: «Այս մեր գիւղի համար ամենամեծ նուէրն էր: Առաջին հերթին, անշուշտ՝ դպրոցի հաւաքականութեան համար: Բայց, եթէ աւելի ուշադրութիւն դարձնենք, այս նախաձեռնութիւնը դրական ազդեցութիւն  ունենալու է ողջ համայնքի համար, անգամ անոնց համար, ովքեր դեռ դպրոցահասակ երեխաներ չունին: Այս ընդհանուր տրամադրութեան վրայ ազդելու է»,- վստահ է եւ կը վստահեցնէ Հակի դպրոցի տնօրէն Եուրի Պօղոսեան:

Ստեփանակերտ

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին