Երկուշաբթի, 22. 04. 2024

spot_img

Քաշաթաղի Մէջ Մեկնարկած են Ականազերծման Աշխատանքները

HA«LO Trust» կազմակերպութիւնը մեկնարկած է ականազերծման աշխատանքներուն Քաշաթաղի շրջանին մէջ` Իզմիրլեան Հիմնադրամին կողմէ ֆինանսաւորուած ծրագրի ծիրէն ներս, կը հաղորդէ «Մեդիամասք»-ը:

Ծրագրի նպատակն է աջակցիլ ականազերծման երեք ականապատ դաշտերու, որոնք կարեւոր տարածքներ են Քաշաթաղի շրջանի (նախկին Լաչինի շրջան) Մեղուաձոր գիւղին համար:

Ականազերծուած դաշտերը պիտի օգտագործուին գիւղատնտեսական նպատակներով տեղի բնակչութեան կողմէ, ինչ որ պիտի բարելաւէ անոնց կենսապայմանները եւ պիտի նպաստէ տեղի տնտեսութեան զարգացման:

Ականազերծման աշխատանքները պիտի իրականացնեն երեք ականազերծող խումբեր (իւրաքանչիւրը բաղկացած ութ անձէ), որ կը նպաստէ տեղական կարողութիւններու զարգացման եւ աշխատատեղերու ստեղծման:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին