Չորեքշաբթի, 12 Ապրիլ, 2017-ին, առ ի յարգանք մեր բիւրաւոր նահատակներուն ՔԱՀԼ-ի Հայ Տարեցներու Տան տնօրէն Պատ. Սեպուհ Թէրզեան, Տիկնանց Օժանդակ Յանձնախումբի անդամներ, մամիկներն ու պապիկները իրենց պատասխանատուին ընկերակցութեամբ այցելեցին «Թռչնոց բոյն»-ի Հայոց Ցեղասպանութեան որբերու «Արամ Պէզիքեան» թանգարանը, ուր ներկայացուած են որբերու կեանքին եւ հայ ժողովուրդի վերածնունդին վերաբերող նկարներ, տեղեկութիւններ եւ իրեր:
Անոնք, Դանիացի միսիոնարուհի Մարիա Ճէյքըպսընի («Մամա Մարիա») շիրիմին առջեւ ծաղիկներ զետեղեցին ու աղօթքներ բարձրացուցին՝ ի յիշատակ մեր անմեղ նահատակներուն հոգիներուն:
Ապա հաւաքական ճաշէ ետք, անոնք ոգեւորուած մթնոլորտով վերադարձան Հայ Տարեցներու Տուն:
