Շուէտի Թագաւորութեան խորհրդարանի արտաքին յարաբերութիւններու յանձնաժողովի նախագահ Քեննէթ Ֆորշլունդի գլխաւորած պատուիրակութիւնը, որ աշխատանքային այցով Հայաստան կը գտնուի, Փետրուար 7-ին, ՀՀ Ազգային ժողովի արտաքին յարաբերութիւններու մշտական յանձնաժողովի նախագահ Արտակ Զաքարեանի ուղեկցութեամբ այցելած է Ծիծեռնակաբերդի յուշահամալիր:
ՀՀ Ազգային ժողովէն կը յայտնեն, որ պատուիրակութեան անդամները ծաղիկներ խոնարհած են անմեղ զոհերու յիշատակը յաւերժացնող յուշարձանին, մէկ վայրկեան լռութեամբ յարգած՝ Սուրբ նահատակներուն յիշատակը:
