Երկուշաբթի, 04. 03. 2024

spot_img

«Միրաք»-ը Նշեց Հայոց Բանակի 25 Ամեակը

«Միրաք» պատանեկան-ուսանողական շարժման յանձնախումբը գիտակցելով հայ բանակի կազմաւորման 25-ամեակի տօնի ազգային նշանակութիւնը, Կիրակի, 29 Յունուար 2016-ին «Միրաք»-ի հաւաքը, Թէքէեան Կեդրոնէն ներս,  նուիրած էր այս պանծալի տօնին:

Հայկական բանակի ազգային նշանակութեան ու անոր հպարտանքի աղբիւր ըլլալու մասին խօսք առին ՌԱԿ Կեդրոնական վարչութեան անդամ, «Միրաք»-ի պատասխանատու Ընկ. Ալեքսան Գարատանայեանն ու ընկ. Ճորճ Բարսեղեանը: Հանդիպման ներկայ էին նաեւ օրերս Հայրենիք գործուղղուած ՌԱԿ Կեդրոնական վարչութեան ատենադպիր եւ Պէյրութի «Զարթօնք» օրաթերթի գլխաւոր խմբագիր՝  Ընկ. Սեւակ Յակոբեանն ու ՌԱԿ Կեդրոնական վարչութեան անդամ ընկհ. Ճենի Գրիգորեանը: Հիւրաբար ներկայ էր նաեւ Պրն. Տիրան Լոքմակէօզեանը:

Հակիրճ դասախօսութենէն ետք, սկսաւ ծրագիրի երկրորդ բաժինը: «Միրաք»-ի անդամները երեք խումբի բաժնուեցան եւ անոնցմէ իւրաքանչիւրին յանձնարարուեցաւ Բանակի նուիրուած երգ մը յօրինել եւ բանակի կեանքը պատկերող 10 վայրկեաննոց կարճ ներկայացում մը բեմադրել:

Յատկացուած ժամանակի աւարտէն ետք, երեք խումբերը կարգով ներկայացուցին իրենց ստեղծագործական աշխատանքները: Լաւագոյն աշխատանք տարած խումբը ընտրող դատական կազմին մաս կազմեց ընկեր Սեւակ Յակոբեանը արուեստագէտ Պրն. Տիրան Լոքմակէօզեանի կողքին: «Միրաք»-ականներու կողմէ պատրաստուած հետաքրքրական եւ ստեղծագործ միտքերով ներկայացումն ու երգերը հաճոյքով ըմբոշխնուեցան ներկայ հիւրերուն եւ անդամներուն կողմէ: Հանդիպման աւարտին Ընկ. Սեւակ Յակոբեան «Միրաք»-ի պատանիներուն յանձնեց իրեն հետ բերած, «Զարթօնք»-ի երկշաբաթեայ մանկապատանեկան նոր  յաւելուածի առաջին թիւը:

Mirak 2

Mirak 3

Mirak 5

Mirak 6

mirak

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին