Թուրքիոյ ընդդիամդիր «ժողովրդահանրապետական կուսակցութիւն»-ը (ԺՀԿ-CHP) «Թուրքիոյ իրական աղիւսակները» խորագիրով ֆինանսա-տնտեսական հաշուետուութիւն մը հրապարակած է: Ըստ ermenihaber.am-ի՝ «Sputnik»-ի թրքական ծառայութիւնը կը տեղեկացնէ` վերջին շրջանին Թուրքիոյ ներքին եւ արտաքին պարտքերը զգալիօրէն աճած են:
Այսպէս, նախորդ տարուան 11 ամիսներու ընթացքին այդ պարտքը աւելցած է 74 միլիառ լիրայով (19.5 միլիառ տոլար)` կազմելով 751.8 (197.8 միլիառ տոլար) միլիառ լիրա: Ատոր 28.1 մլիլիառ լիրան գոյացած է ներքին պարտքերու աճին, իսկ 45.9 միլիառ լիրան` արտաքին պարտքի աւելացման հաշուին:
Արտաքին պարտքի աճին վրայ ազդող կարեւոր գործօններէն մէկը տոլարի նկատմամբ թրքական լիրայի արժեզրկումն էր:
Զեկոյցին համաձայն` «Արդարութիւն եւ զարգացում» կուսակցութեան (ԱԶԿ-AKP) իշխանութեան գալէն առաջ Թուրքիոյ արտաքին եւ ներքին պարտքը կը կազմէր 242.7 միլիառ լիրա (63.8 միլիառ տոլար): Իսկ վերջին 14 տարիներիու ընթացքին այդ ցուցանիշը աւելցած է 509.1 միլիառ լիրայով` 2016-ի աւարտին հասնելով աննախադէպ 751.8 միլիառի:
Այսպիսով, 2016-ի Դեկտեմբերի դրութեամբ Թուրքիոյ բնակիչներէն իւրաքանչիւրին բաժին կ’իյնայ է 9.570 լիրայի (շուրջ 2.500 տոլար) պարտք` նախկին 5.893-ի փոխարէն: Վերջին 13 տարիներու ընթացքին իւրաքաչիւր քաղաքացիի պետական պարտքի մասնաբաժինը աճած է 160.3 տոկոսով:
