Երկուշաբթի, 22. 04. 2024

spot_img

Կրասնոտարի Մէջ Վթարի Ենթարկուած Է Երեւան-Ս․ Փեթերզպուրկ Երթուղիի Հանրակարգը. Տուժածները Հայաստանի Քաղաքացիներ Են

Հայաստանի արտակարգ իրավիճակներու նախարարութիւնը Յունուար 22-ին, ժամը 14.27-ին տեղեկատուութիւն ստացած է, որ Ռուսիոյ Դաշնութեան Կրասնոտարի մարզի Փաւլովեան շրջանին մէջ Երեւան – Ս․ Փեթերզպուրկ երթուղին իրականացնող «Mercedez-Benz» մակնիշի 27 UL 776 համարանիշի հանրակառքը  Մ-29 ճանապարհի 12-րդ քմ․-ին վթարի ենթարկուած է. կան տուժածներ:

Հանրակառքին մէջ եղած է 9 մարդ, վթարի հետեւանքով տուժած է 5 հոգի: Տուժածները տեղափոխուած են Փաւլովեան շրջանի կեդրոնական հիւանդանոց:

Բոլոր ուղեւորները եղած են Հայաստանի քաղաքացիներ:

Վթարի հետեւանքով տուժած 9 ՀՀ քաղաքացիներն են՝

1985-ի ծնունդ Վ. Սահակեանը,

1960-ի ծնունդ Մուշեղ Մանուկեանը,

1984-ի ծնունդ Կարէն Յակոբեանը,

1987-ի ծնունդ Մհեր Քոթանջեանը,

1988-ի  ծնունդ Դաւիթ Քոթանջեանը,

1987-ի ծնունդ Արսէն Պօղոսեանը,

1992-ի ծնունդ Գէորիկ Դալլաքեանը,

1987-ի ծնունդ Գարիկ Կոստանդեանը եւ

1983-ի ծնունդ Հերմինէ Բեկթաշեանը)։

4-ը՝ Ա. Պօղոսեանը, Դ. Քոթանջեանը, Գ. Կոստանդեանը եւ Վ. Սահակեանը  վիճակը լաւ է եւ հիւանդանոցէն ելած են:

Տուժածներէն հինգը կը շարունակեն համապատասխան բժշկական օգնութիւն ստանալ Փաւլովի շրջանի կեդրոնական հանրապետական հիւանդանոցին մէջ:  Հ. Բեկթաշեանի վիճակը բժիշկները կը գնահատեն ծանր, իսկ մնացեալինը` միջին ծանրութեան:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին