Երկուշաբթի, 22. 04. 2024

spot_img

Զարգացած Զբօսաշրջութիւն Ունենալու Համար Պէտք են Զարգացած Ենթակառուցուածքներ եւ Ներդրումներ. Տնտեսագէտ

Տնտեսագէտ Աշոտ Եղիազարեանը կը կարծէ, որ զարգացած զբօսաշրջութիւն ունենալու համար պէտք է ունենալ զարգացած ենթակառուցուածքներ եւ պէտք է ըլլան ներդրումներ` թէ՛ տեղական, թէ՛ օտարերկրեայ:

Ըստ Tert.am-ի՝ համեմատական անցնելով Վրաստանի մէջ զբօսաշրջութեան աճին հետ, տնտեսագէտը ըսած է, որ Հայաստանը ենթակառուցուածքներու զարգացուածութեան եւ ներդրումներու իմաստով կը զիջի Վրաստանին, չհաշուած բնակլիմայական պայմանները, ծովի բացակայութեան խնդիրը:

«Զբօսաշրջութիւնը ունի տարբեր ուղղութիւններ, եւ ամէն մէկ երկիր ունի իր համեմատական առաւելութիւնները: Զբօսաշրջութիւնը զարգացման իբրեւ արդիւնք կրնայ ապահովել բաւականաչափ եկամուտներ: Ամէն մէկ երկիր իւրօրինակ է` Հայաստանը նոյնպէս ունի իր իւրօրինակութիւնները, առանձնայատկութիւնները, պարզապէս անոնք պէտք է ճիշդ օգտագործել»,- ըսած է ան եւ նշած, որ Հայաստանի մէջ ոչ գրաւիչ պայմաններ են ներդրումներու առումով, որ ունի իր պատճառները:

Աշոտ Եղիազարեանը կը կարծէ, որ Հայաստանի զբօսաշրջութեան ենթակառուցուածքներու եւ ներդրումներու խնդիրը կապուած է առարկայական եւ ոչ առարկայական պատճառներու, որոնք փոխկապակցուած են:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին