Ուրբաթ, 01. 03. 2024

spot_img

Տօնական Ձեռնարկ Պէյրութի Սէն Ժոզէֆ Եկեղեցւոյ Մէջ

Դեկտեմբեր 22-ին, Լիբանանի մէջ, ՀՀ դեսպանութեան եւ Լիբանանի ազգային երաժշտանոցի համատեղ կազմակերպութեամբ՝ Պէյրութի Սէն Ժոզէֆ եկեղեցւոյ մէջ տեղի ունեցած է Սուրբ Ծննդեան առիթով կազմակերպուած Լիբանանի ֆիլհարմոնիկ նուագախումբին համերգը։:

Համերգին ներկայ եղած են Լիբանանի մէջ հաւատարմագրուած օտարերկրեայ դիւանագէտներ, Լիբանանի խորհրդարանի ներկայ եւ նախկին պատգամաւորներ, քաղաքական, դատական եւ ռազմական իշխանութիւններու ներկայացուցիչներ, հայ հոգեւոր, քաղաքական, մշակութային կառոյցներու ղեկավարներ, ներկայացուցիչներ:

Բացման խօսքով հանդէս եկած է Լիբանանի մէջ ՀՀ դեսպան Սամուէլ Մկրտչեան, որ դրուատանքի խօսքեր յղած է Լիբանանի ազգային երաժշտանոցին եւ անոր տնօրէն Ուալիտ Մուսալլամին, ինչպէս նաեւ մայսթրօ Յարութ Ֆազլեանին` ՀՀ դեսպանութեան հետ երկարամեայ արդիւնաւէտ համագործակցութեան համար:

Դեսպանը ընդգծած է համերգի կարեւորութիւնը՝ Լիբանանի եւ Հայաստանի միջեւ մշակութային կապերու ամրապնդման եւ խորացման գործին մէջ եւ յոյս յայտնած, որ նմանատիպ ձեռնարկները եկող տարի պիտի կրեն պարբերական բնոյթ:

Համերգին մասնակցած է նաեւ Հայաստանէն յատուկ ժամանած տաղանդաւոր ջութակահարուհի, շարք մը միջազգային փառատօններու դափնեկիր Տիանա Ադամեան, որ ներկայացուցած է Քամիլ Սեն-Սանսի, Արամ Խաչատրեանի եւ Ֆրից Գրէյսլըրի ստեղծագործութիւնները:

Նուագախումբը կը ղեկավարէր Լիբանանի ֆիլհարմոնիկ նուագախումբի գլխաւոր խմբավար Յարութ Ֆազլեան:

2

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին