Իրանի Իսլամական Հանրապետութեան նախագահ Հասան Ռոհանի Դեկտեմբեր 21-ին պիտի այցելէ Երեւան:
Իրանական լրատուամիջոցներու փոխանցմամբ` այս մասին Դեկտեմբեր 18-ին յայտնած է Իրանի նախագահի մամուլի ծառայութեան ղեկավար Փարւիզ Իսմայէլին։
Ան տեղեկացուցած է, որ այցի ծիրէն ներս կը նախատեսուի Հասան Ռոհանիի հանդիպումը ՀՀ նախագահ Սերժ Սարգսեանի հետ, ինչպէս նաեւ առեւտրա-տնտեսական համագործակցութեան փոխըմբռնման յուշագիրի ստորագրում:
Ըստ «Մեդիամաքս»-ի Փարւիզ Իսմայէլին նշած է, որ Իրանի նախագահին պիտի ուղեկցին շարք մը նախարարներ եւ մասնաւոր ընկերութիւններու ղեկավարներ:
Երկու երկիրներու գործարարները պիտի մասնակցին առեւտրային կապերու ամրապնդման նուիրուած քննարկումին:
Հայաստանէն Իրանի նախագահը պիտի մեկնի Ղազախիստան եւ Խրխզիստան:
