Հայաստանի հիւլէական ելեկտրակայանը վերսկսած է ելեկտարականութիւն արտադրելու:Այս մասին կը յայտնեն ուժանիթի ենթակառուցուածքներու եւ բնական պաշարներու նախարարութեան տեղեկատուութեան եւ հասարակայնութեան հետ կապերու բաժինէն:
Յիշեցնենք, որ Սեպտեմբեր 20-ին, հիւլէակայանը դուրս բերուեցաւ ուժանիթի ցանցէն` հերթական ծրագրային նորոգման եւ վերալիցքաւորման աշխատանքներու իրականացման նպատակով:
Նախարարութեան տեղեկացմամբ՝ կանգառի ընթացքին նորոգման եւ վերալիցքաւորման զուգահեռ, ինչպէս եւ կը նախատեսուէր, իրականացուած են նաեւ ՀԱԷԿ-ի գործող ուժանիւթի կէտի շահագործման ժամկէտը երկարաձգելուն ուղղուած առաջին փուլի ծրագիրով նախատեսուած միջոցառումները: Կատարուած է ուժանիւթի կէտի համակարգերու, սարքաւորումներու, կառուցուածքներու համալիր ուսումնասիրութիւն:
