8 Դեկտեմբեր 2016-ին, ՀՀ Սփիւռքի նախարարութեան եւ «Սուրիահայերու հիմնախնդիրները համակարգող կեդրոն» հասարակական կազմակերպութեան նախաձեռնութեամբ Մարդու իրաւունքներու պաշտպանութեան օրուան առթիւ ՀՀ կառավարութեան նիստերու մեծ դահլիճի նախասրահին մէջ մեկնարկեց «Սուրիահայ մշակոյթի շունչը Երեւանի մէջ» աւանդական դարձած բարեգործական ցուցահանդէս-տօնավաճառը:
Ներկայացուած էին 65-է աւելի սուրիահայերու ձեռագործ աշխատանքներ, ոսկերչական իրեր, քաղցրեղէն:
Նախարարը մէկիկ-մէկիկ տաղաւարներուն այցելութիւն տալէ ետք պատասխանեց Հալէպի կեդրոնի ազատագրման, օդակայանի բացման հնարաւորութեան եւ սուրիահայերու հնարաւոր վերադարձին վերաբերող լրագրողներուն հարցումներուն:
Ցուցահանդէս-տօնավաճառը պիտի գործէ նաեւ 9 Դեկտեմբերին, ժամը` 10:00-19:00:
