Հայաստանի եւ Ռուսիոյ պաշտպանութեան նախարարներ Վիգէն Սարգսեանն ու Սէրկէյ Շոյգուն Նոյեմբեր 30-ին ստորագրած են հայ-ռուսական միացեալ զօրախումբի մասին համաձայնագիրը:
Հայաստանի պաշտպանութեան նախարար Վիգէն Սարգսեան յայտարարած է, որ միացեալ զօրախումբի կազմին մէջ պիտի ընդգրկուին Կիւմրիի մէջ տեղակայուած ռուսական 102-րդ ռազմակայանի եւ հայաստանեան ռազմական ստորաբաժանումներ, կը տեղեկացնէ «Ազատութիւն» ձայնասփիւռի կայանը:
Նոյեմբեր 14-ին Ռուսաստանի նախագահ Վլատիմիր Փութին հաւանութիւն տուած էր միացեալ զօրախումբի ստեղծման:
Հայաստանի եւ Ռուսիոյ պաշտպանական գերատեսչութիւններու ղեկավարները Նոյեմբեր 30-ին ստորագրած են նաեւ երկու նախարարութեան համագործակցութեան 2017 ծրագիրը:
