Արցախի հեռուստատեսութեան «Օր» լրատուական ծրագիրը անդրադարձած է ՀՀ Սփիւռքի նախարարութեան «Դուն ի՞նչ կ’ընես Ղարաբաղի համար» նախաձեռնութեան:
«Հայերն այսօր»-ի փոխանցմամբ` Հոկտեմբեր 20-24 Երեւանի եւ Ստեփանակերտի մէջ կայացած Լրագրողներու համահայկական 8-րդ համաժողովի մասնակիցները որոշեցին համահայկական լրատուամիջոցներով սկսիլ «Դո՛ւն ի՞նչ կ’ընես Ղարաբաղի համար» համահայկական շարժումը, որուն նպատակն է բոլոր հնարաւոր միջոցներով աջակցիլ Արցախին եւ անոր ժողովուրդի տնտեսական, ընկերային բարելաւման գործին եւ բարեկեցութեան:
