Սարատովի մարզի «Կռունկ» հայկական համայնքը կը միանայ ՀՀ սփիւռքի նախարարութեան «Դուն ի՞նչ կ’ընես Ղարաբաղի համար» նախաձեռնութեան:
Սարատովի մարզի «Կռունկ» հայկական համայնքը ստեղծման առաջին իսկ օրէն աշխոյժ գործունէութիւն կը ծաւալէ Սարատովի մէջ լաւագոյն աւանդոյթներու պահպանման եւ հայկական մշակոյթի տարածման գործին մէջ: Համայնքը կ’աշխատի քանի մը ուղղութիւններով: Համայնքի ղեկավարներ Համլէթ Շառոյեանի եւ Արայիկ Քոսեանի, ինչպէս նաեւ համայնքային խորհուրդի բոլոր անդամներու աջակցութեամբ` կը գործէ հայկական դպրոց, պարախումբ, երգչախումբ, թատերական արուեստանոց, աշխոյժ գործունէութիւն կը ծաւալէ երիտասարդական կազմակերպութիւնը:
