Մալթայի մէջ վերջ գտաւ «Մանկական Եւրոտեսիլ-2016» երգի մրցոյթը, ուր Հայաստանը ներկայացուցին փոքրիկ երգչուհիներ Անահիտ Ադամեանն ու Մերի Վարդանեանը: Աղջիկները հանդէս եկան 2-րդ թիւով` ներկայացնելով Աւետ Բարսեղեանի եւ Նիկ Էգիբեանի հեղինակած «Տարբեր» երգը:
Դատակազմի քուէարկութեան արդիւնքով հայ պատուիրակները գրաւեցին մրցոյթի 2-րդ տեղը` հաւաքելով 232 նիշ: «Մանկական Եւրոտեսիլ-2016»-ի յաղթող ճանչցուեցաւ Վրաստանի ներկայացուցիչ Մարիամ Մամատաշվիլին` իր «Mzeo» երգով՝ հաւաքելով 239 նիշ:
Յիշեցնենք, որ այս տարի մրցոյթին կը մասնակցէին 17 երկիրներէ ժամանած երգիչներ: Այդ երկիրներն են` Իռլանտա, Ալպանիա, Ռուսիա, Մալթա, Պուլկարիա, Մակեդոնիա, Լեհաստան, Պելառուսիա, Ուքրանիա, Իտալիա, Սերպիա, Իսրայէլ, Աւստրիա, Հոլանտա, Կիպրոս, Վրաստան եւ Հայաստան:
