ՌԴ Քալուկայի մարզի Օպնինսկ քաղաքին մէջ վերջերս իր դռները բացած «Արաքս» կիրակնօրեայ հայկական դպրոցի աշակերտները միացած են «Դուն ի՞նչ կ’ընես Ղարաբաղի համար» նախաձեռնութեան: Երեխաները լուսանկարուած են ՀՀ Սփիւռքի նախարարութեան կազմակերպած շարժումին` համապատասխան ցուցապաստառով:
Ըստ «Հայերն այսօր»ին, դպրոցին բացումը տեղի ունեցած է այս տարուան Սեպտեմբեր 3ին, ներկայութեամբ թուով 60 մեծ ու փոքր աշակերտներու, անոնց ծնողներու, կազմակերպիչներու եւ Քալուկա քաղաքի հայ համայնքի ներկայացուցիչներու. ընդհանուր թիւը կը հաշուէր մօտ 100 մարդ: Բացման արարողութեան ելոյթներով հանդէս եկած են կազմակերպիչներ Կարինէ Ղուկասեան, Յովիկ Յովակիմեան, Նառա Աւետիքեան (դպրոցի ուսուցչուհին), Քալուկայի համայնքի ներկայացուցիչ Մարիամ Յովհաննիսեան եւ այլք: Դասարանի մուտքին, կարմիր ժապաւէնը կտրած են դպրոցի ամենափոքր աշակերտներ ՍուրէնՉնաւայեանն ու Նարէն Ազրոյեանը:
