Ռուսիոյ նախագահ Վլատիմիր Փութին հաստատած է Հայաստանի հետ զինուած ուժերու միացեալ խմբաւորում ստեղծելու մասին համաձայնագիրի նախագիծը: Այս մասին կը գրէ «ԹԱՍՍ»-ը:
Ան յանձնարարած է Ռուսիոյ պաշտպանութեան նախարարութեան Հայաստանի պաշտպանութեան ու արտաքին գործոց նախարարութիւններու հետ բանակցութիւններ սկսած եւ ձեռք բերուած պայմանաւորուածութիւններու արդիւնքով ստորագրել համաձայանգիրը:
Ըստ համաձայնագիրին, խմբաւորման ստեղծման նպատակը Կովկասեան տարածաշրջանին մէջ կողմերու անվտանգութեան ապահովումն է: Անիկա պիտի կնքուի 5 տարի ժամկէտով եւ ինքնաշխատ կերպով կ’երկարձագուի, եթէ կողմերէն ոչ մէկը անկէ դուրս գալու փափաք չյայտնէ: Ստեղծուող խմբաւորման հիմնական նպատակը պիտի ըլլայ ետ մղել յարձակումը կողմերէն ոեւէ մէկուն վրայ, ինչպէս նաեւ պաշտպանել Հայաստանի եւ Ռուսիոյ պետական սահմանները:
