Նոյեմբեր13ի լոյս 14ի գիշերը ղարաբաղա-ազրպէյճանական հակամարտ զօրքերու սահմանագիծին վրայ հակառակորդը հրադադարը խախտած է աւելի քան 60 անգամ:
Արցախի պաշտպանութեան մամուլի ծառայութեան փոխանցմամբ` հակառակորդը նշուած ժամանակաշրջանին տարբեր տրամաչափի հրաձգային զինատեսակներէ հայ դիրքապահներու ուղղութեամբ արձակած է շուրջ 870 կրակոց:
Պաշտպանութեան բանակի հիւսիս-արեւելեան ուղղութեամբ տեղակայուած մարտական դիրքերուն վրայ ազրպէյճանական զինուժը կիրառած է 60 եւ 82 միլիմեթրնոց ականանետեր (3 արկ), իսկ հիւսիսային ուղղութեամբ` ՀԱՆ-17 տեսակի նռնականետ (2 արկ):
Արցախի Պն մամուլի ծառայութենէն կը յայտնեն, թէ ՊԲ յառաջապահ զօրամասերը լիակատար վերահսկողութիւն կը պահպանեն առաջնագիծին վրայ եւ կը շարունակեն վստահօրէն իրականացնել իրենց առջեւ դրուած մարտական խնդիրը:
