Թուրքիոյ Թոքաթ նահանգին մէջ 300 տարի առաջ հայ ոսկերիչներու ստեղծած ապարանջանը, որ յետագային Թոքաթի ապարանջան անունով սկսած է տարածուիլ ամբողջ արեւելքի մէջ, կը շարունակէ Թուրքիոյ մէջ ամենապահանջուած ու յարգի ոսկէ զարդը մնալ, կը գրէ NEWS.amը:
Թրքական Sozcu պարբերականի փոխանցմամբ` Թուրքիոյ Թոքաթ նահանգի ոսկերիչներու միութեան նախագահ Եաշար Կենճայը նշած է, որ դեռ 300 տարի առաջ Թոքաթի մէջ հայ ոսկերիչները ստեղծեցին ապարանջանի տեսակ մը, որ շատ արագ մեծ համբաւ բերաւ ու Թոքաթի ապարանջան անունը ստացաւ:
Եաշար Կենճայը շեշտած է, թէ ամբողջ Թուրքիոյ մէջ Թոքաթի ապարանջանը ամենապահանջուած ու յարգի զարդերէն է, սակայն ԱՄՆ նախագահի ընտրութեան պատճառով թրքական լիրայի արժէզրկման պատճառով ժողովուրդին մօտ ֆինանսական խնդիրներ յառաջացած են: Ան յոյս յայտնած է, որ յառաջիկայ օրերուն ամէն ինչ իր տեղը կը գտնէ եւ Թոքաթի ապարանջանը կը վաճառուի ինչպէս առաջ:
