Ընդառաջելով «Միրաք»ի անդամներու առաջարկին, ՌԱԿի «Միրաք» պատանեկան-ուսանողական շարժման վարչութիւնը, Կիրակի 6 Նոյեմբեր, 2016ի կիրակնօրեայ հաւաքին՝ իր յարկին տակ հիւրընկալեց Հալէպի ԹՄՄի անդամներէն դասախօս Ընկ. Յարութ Պաղտասրաեանը, անդամներուն ներկայացնելու հիւրընկալութեան (հոսփիթալըթի) ոլորտի վերաբերեալ դասախօսութիւն-մարզում մը:
Ընկ. Յարութ Պաղտասարեան այս առումով, «Միրաք»ականներուն օգտաշատ տեղեկութիւններ փոխանցեց հիւրընկալութեան ոլորտի մէջ՝ վաճառքի, յաճախորդի հետ աշխատելու, ինչպէս նաեւ զբօսաշրջիկային ուղեկցորդներու եւ հիւրատուներու ղեկավարման ու հիւրընկալութեան հիմունքներուն մասին։ Անոնց ծաօթացուց Հայաստանի մէջ վերջին շրջանին յատուկ ուշադրութեան արժանացող՝սպասարկման եւ կառավարման ոլորտներու մէջ հմտութիւններու զարգացման նորամուծութիւններուն:
Ընկ. Յարութի անձնական փորձը նշեալ ոլորտին մէջ, անոր անցած ուղղիին ու ձեռքբերած յաջողութիւններուն օրինակը խթանիչ ուժ հանդիսացաւ «Միրաք»ի անդամներուն եւ յոյս ներշնչեց անոնց, իրենց մէջ ամրապնդելով՝ սեփական ուժերու լարումով գագաթներ նուաճելու հնարաւորութեան գաղափարն ու հաւատը:
