Լեռնային Ղարաբաղի Հանրապետութիւն կատարած աշխատանքային այցի ընթացքին ՀՀ վարչապետ Կարէն Կարապետեանը հանդիպում ունեցած է Արցախի Հանրապետութեան նախագահ Բակօ Սահակյանին հետ, այս մասին կը տեղեկացնեն Կառավարութեան մամուլի ծառայութենէն:
Արցախի նախագահը շնորհաւորած է Կարէն Կարապետեանը ՀՀ կառավարութեան ղեկավարի պաշտօն ստանալուն առթիւ եւ յաջողություններ ու արդիւնաւէտ գործունէութիւն մաղթած է անոր: Արցախի նախագահը յոյս յայտնած է, որ Կարէն Կարապետեանի պաշտօնավարման ժամանակ հայկական երկու պետութիւններու բարձր մակարդակին վրայ գտնուող տնտեսական համագործակցութիւնը կը շարունակէ հետեւողական իր զարգացումն ու ընդլայնումը:
Այս առումով, զրուցակիցները քննարկած են Հայաստանի եւ Լեռնային Ղարաբաղի տնտեսական փոխգործակցութեան վերաբերող շարք մը հարցեր:
Բակօ Սահակեանի հրամանագրով ՀՀ վարչապետ Կարէն Կարապետեանը պարգեւատրուած է «Մեսրոպ Մաշտոց» շքանշանով՝ սոցիալ-տնտեսական կարեւորագույն խնդիրներու իրականացման Արցախին ցուցաբերած աջակցութեան համար եւ ի նշանաւորումն ԼՂՀ հռչակման 25րդ տարեդարձին առթիւ:
