Արցախի Հանրապետութեան նախագահ Բակօ Սահակեան Նոյեմբեր 3ին հրաւիրած է Անվտանգութեան խորհուրդի նիստ, որուն օրակարգին մէջ ընդգրկուած էին բանակաշինութեան վերաբերող հարցեր: Այս մասին կը յայտնեն Արցախի նախագահի աշխատակազմի տեղեկատուութեան գլխաւոր վարչութենէն:
Համապատասխան զեկոյցով հանդէս եկած է ԼՂՀ պաշտպանութեան նախարար Լեւոն Մնացականեան:
Նախագահը շարք մը յանձնարարականներ տուած է քննարկուած հարցերու պատշաճ լուծման ուղղութեամբ` ընդգծելով, որ բանակաշինութիւնը եւ պաշտպանութեան բանակի մարտունակութեան շարունակական բարձրացումը եղած են եւ կը մնան մեր ամենակարեւոր առաջադրանքներէն մէկը:
