Նոյեմբեր 1ի լոյս 2ի գիշերը ղարաբաղա-ազրպէյճանական հակամարտ զօրքերու սահմանագիծին վրայ, հակառակորդը հրադադարը խախտած է մօտ 40 անգամ, որուն ընթացքին, տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակուած է աւելի քան 560 կրակոց:
Ըստ ԼՂՀ պաշտպանութեան նախարարութեան մամուլի ծառայութեան, սահմանագիծի հիւսիսային ուղղութեամբ, բացի հրաձգային զինատեսակներէ, ազրպէյճանական զինուժը կիրառած է նաեւ ձեռքի հակահրասայլային (ՁՀՆ-7 /5 արկ/) եւ ենթափողային (ԵՆ-25 /3 արկ/) տիպի նռնականետեր:
ՊԲ առաջապահ զօրամասերը հիմնականօրէն պահպանած են հրադադարը եւ պատասխան գործողութիւններու դիմած են միայն խիստ անհրաժեշտութեան պարագային:
