Շաբաթ, 02. 03. 2024

spot_img

Ն.Ս.Օ.Տ.Տ Արամ Ա.Վեհափարը Ընդունեց Թ.Մ.Մի Լիբանանի Վարչութեան Ներկայացուցիչները

Թ.Մ.Մ.ի Լիբանանի Տեղական Վարչութիւնը ներկայացնող պատուիրակութիւնը  27 Հոկտեմբերի առաւօտեան ժամը 9-ին պաշտօնական այցելութիւն տուաւ Մեծի Տանն Կիլիկիոյ Ն.Ս.Օ.Տ.Տ Արամ Ա .Կաթողիկոսին, Անթիլիասի մայրավանքին մէջ:

Թ.Մ.Մի պատուիրակութիւնը կը գլխաւորէր Թ.Մ.Մի Լիբանանի տեղական վարչութեան ատենապետ Տոքթ. Վիգէն Ասիլեան, որուն մաս կը կազմէին՝ Օրդ.Լենա Այտընեան, Պրն.      Արա Գոյունեան եւ Պրն. Թովմաս Գասապեան:

Թ.Մ.Մի պատուիրակութեան այս այցելութեան գլխաւոր նպատակն էր շնորհաւորել  Նորին

Սրբութիւնը՝ անոր գահակալութեան 20ամեակին առիթով:

Աւելի քան ժամ մը տեւած ընդունելութեան ընթացքին, Թ.Մ.Մ.ի պատուիրակութիւնըՎեհափարին հետ քննարկեց Հայ ազգը եւ Լիբանանահայութիւնը յուզող հարցեր:

Նորին Սրբութիւնը ողջունելէ ետք Թ.Մ.Մի վարչութեան այս այցելութիւնը, շեշտեց որ նման այցելութիւններ կարեւոր են, որպէսզի Հայ եկեղեցին մօտէն ծանօթանայ մշակութային միութիւններու հայապահպանման եւ հայակերտման ի նպաստ իրագործած եւ իրագործելի ծրագիրներուն, որովհետեւ մշակութային գործունէութիւնը եւ անոր յառաջմղումը մեր ժողովուրդի հաւաքական պայքարին համար նախապայման է։

IMG-20161028-WA0012

Հանդիպման աւարտին, Տոքթ. Վիգէն Ասիլեան Թ.Մ.Մի վարչութեան եւ Թ.Մ.Մի անդամներուն անունով անգամ մը եւս շնորհաւորեց վեհափարին գահակալութեան 20 ամեակը:

Այստեղ անհրաժեշտ է նշել նաեւ, որ հանդիպման աւարտին Թ.Մ.Մ.ի վարչութեան անդամ ծանօթ արուեստագիտուհի  Օրդ. Լենա Այտընեան Կիլիկիոյ Կաթողիկոսարանի թանգարանին որպէս նուէր՝ Վեհափարին յանձնեց իր իւղաներկի գործերէն » Յաւերժութիւն» նկարը:

ԹՄՄ Լիբանանի Տեղական Վարչութիւն

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին