Հինգշաբթի, Հոկտեմբեր 27-ին, ժամը 11-ին, Հոլիվուտի «Փենթէյճըս» թատերասրահին առջեւ կայանալիք արարողութեան մը ընթացքին, Քալիֆորնիոյ նահանգային Ծերակոյտի անդամ Քեւըն տէ Լէոն Հոլիվուտի Հռչակի Պողոտայի պատուոյ աստղ մը պիտի շնորհէ աշխարհահռչակ ֆրանսահայ երգիչ Շարլ Ազնաւուրին, որ Հոկտեմբեր 28-ին ելոյթ մը պիտի ունենայ նշեալ սրահին մէջ, կը հաղորդէ “Ասպարէզ”-ը։
Աշխարհի տարածքին ունեցած իր բազմաթիւ ելոյթներուն կողքին, 92-ամեայ Ազնաւուրը հեղինակած եւ արձանագրած է աւելի քան 1200 երգեր՝ 8 լեզուներով։ «Ֆրանսայի Ֆրենք Սինաթրա»-ն նկատուող Ազնաւուրը ստեղծագործած է ամբողջ ութ տասնամեակներ։
Նշենք, որ Քեւըն տէ Լէոն Փոքրիկ Հայաստանը կը ներկայացնէ Սաքրամենթոյի մէջ։
