Հոկտեմբեր 28ին Թոքիոյի մէջ տեղի պիտի ունենայ «IT’s Armenia» խորագիրով սեմինար ` նուիրուած Հայաստանի ՏՏ (տեղեկատուական արհետսագիտութիւններու-ԵՌԳ․) ոլորտի ներկայացման:
Սեմինարին նպատակն է նպաստել Ճափոնի եւ Հայաստանի հետ համագործակցութեան, հետաքրքրուածութեան խորացման եւ գործարար յարաբերութիւններու ստեղծման,-այս մասին մեզ կը յայտնեն տեղեկատուական արհեստագիտութիւններու ձեռնարկութիւններու միութենէն:
Հայաստանեան պատուիրակութեան մէջ են՝ «Ինստիկէյթ», «Վօլօ», «Արմինովա Թեքնոլոճիս», «Լեւիաթան», «Այիւնեթուորքս», «Վիէմուեր Իսթերն եուրոփ» եւ «Գրանատուս Վենչուրս» ընկերութիւններու ներկայացուցիչներ:
Տեղեկատուական արհետսագիտութիւններու ձեռնարկութիւններու միութեան անդամ-կազմակերպութիւնները հանդիպումի ընթացքին մասնաւորապէս պիտի ներկայացնեն միութեան կողմէ իրականացուող միջոցառումներն ու ծրագիրները` ուղղուած հայաստանեան ՏՏ մակնիշի յառաջխաղացման:
«IT’s Armenia» սեմինարը կը կազմակերպեն Ճափոնի մէջ Հայաստանի դեսպանութիւնը` ի դէմս արտակարգ եւ լիազօր դեսպան Հրանդ Պօղոսեանի, Ճափոնի արտաքին առեւտուրի կազմակերպութիւնը (JETRO), Ճափոնի արտաքին գործոց նախարարութիւնը, Ճափոնիա-Հայաստան գործարար եւ մշակութային նախաձեռնութիւնը, Ռուսաստանի եւ նորանկախ պետութիւններու հետ տնտեսական համագործակցութեան կազմակերպութիւնը (ROTOBO) եւ Ճափոնի միջազգային համագործակցութեան գործակալութիւնը (JICA):
