Հայաստանի Ազգային ժողովը հաւանութիւն տուաւ նոր կառավարութեան աշխատանքային ծրագիրին: Կառավարութեան ծրագիրին կողմ քուէարկեցին խորհրդարանի 85 պատգամաւորներ, 7ը՝ դէմ, 6ը՝ ձեռնպահ: Ընդդիմադիր Հայ Ազգային գոնկրէս խմբակցութեան ղեկավար Լեւոն Զուրաբեան քուէարկութենէն առաջ յայտարարեց. «Մենք չենք կրնար վստահութիւն յայտնել որեւէ կառավարութեան, որ առաջադրուած է իշխող կուսակցութեան կողմէ: Հետեւաբար, մենք մեր անվստահութիւնը կը յայտնենք կառավարութեան ծրագիրին դէմ քուէարկելով»: «Օրինաց երկիր» խմբակցութիւնն ալ յայտարարեց, որ քուէարկութեան ձեռնպահ կը մնայ, իսկ Դաշնակցութիւնն ու Հանրապետականը սատարեցին կառավարութեան ծրագիրին:
