Հայաստանի համալսարաններուն մէջ Հոկտեմբեր 1-էն ուսուﬓառութիւն սկսած է 550 սփիւռքահայ եւ 420 օտար ուսանող: Ըստ Armenpress.am-ի՝ այս մասին յայտնած է ՀՀ կրթութեան եւ գիտութեան նախարարութեան արտաքին կապերու եւ սփիւռքի վարչութեան պետ Արթուր Ղազարեան՝ նշելով, որ ՀՀ միջին մասնագիտական հաստատութիւններ դիմած են 70 սփիւռքահայեր:
Վրաստանէն Հայաստանի համալսարաններ դիմած են 23 ուսանողներ, Ռուսիայէն` 170, Իրանէն` 190, Հնդկաստանէն` 220 եւ Սուրիայէն` 90: Կան ուսանողներ նաեւ Պրազիլէն, Իրաքէն, Չինաստանէն, Գերմանիայէն, Յունաստանէն, Իսրայէլէն, ԱՄՆ-էն, Տաճիկստանէն, Թուրքﬔնիստանէն, Ուրուկուայէն, Շուէտէն, Ռուանիայէն, Ուքրանիայէն, Թուրքիայէն:
Թուրքիայէն ժամանած 4 դիմորդները հայեր են` ՀՀ քաղաքացիներու զաւակներ: Վարչութեան պետին հաւաստիացումով` նախորդ երկու տարուան հաﬔմատութեամբ՝ դիմորդներուն քանակը էապէս չէ աճած կամ նուազած: «Մենք հակուած ենք աւելի ակտիւ քայլեր ձեռնարկել քարոզչական աշխատանքների ուղղութեամբ` համագործակցելով միջնորդ կազմակերպութիւնների հետ, ինչն էլ կը նպաստի Հայաստանի բուհերի նկատմամբ հետաքրքրութեան բարձրացմանը»,-ընդգծած է Արթուր Ղազարեան:
ԱՊՀ երկիրներէն Հայաստանի մէջ իրենց կրթութիւնը շարունակողներէն շատերը յաճախ կը հաստատուին Հայաստան, այստեղ շարունակելով իրենց գործունէութիւնը:
