Ղարաբաղ-ազրպէյճանական հակամարտ զօրքերու շփման գիծին վրայ, երէկ արեւածագին, հակառակորդի կողմէ զինադադարի պահպանման դրութիւնը խախտուեցաւ շուրջ 60 անգամ, որուն ընթացքին, տարբեր տրամաչափի հրաձգային զինատեսակներէ, Հայ դիրքապահներու ուղղութեամբ արձակուեցաւ աւելի քան 700 կրակոց:
Մինչ այդ Արցախի պաշտպանութեան բանակը յայտարարեց, որ բանակի յառաջապահ զօրամասերը լիակատար վերահսկողութիւն կը պահպանեն յառաջնագիծին վրայ եւ կը շարունակեն իրականացնել իրենց առջեւ դրուած մարտական խնդիրը:






