Սուրիոյ հակամարտութենէն տուժած բնակիչներուն մարդասիրական օգնութիւն ուղարկելու նպատակով ՀՀ կառավարութեան Հոկտեմբեր 6-ի նիստին որոշուած է «Հայաստան» համահայկական հիմնադրամին փոխանցելու համար արտաքին գործոց նախարարութեան պահուստային ֆոնտէն յատկացնել 46 միլիոն 33.000 դրամ:
ՀՀ ԱԳ նախարարին յանձնարարուած է յատկացուող գումարը «Հայաստան» համահայկական հիմնադրամին տրամադրել նուիրաբերութեան պայմանագիրի հիման վրայ:
Սեպտեմբեր 30-ին ՀՀ ԱԳՆ–ն յայտարարութիւն տարածած է Սուրիոյ մէջ ռազմական իրավիճակի կտրուկ սրման առընչութեամբ: ՀՀ նախագահ Սերժ Սարգսեանի յանձնարարութեամբ` սուրիական հակամարտութենէն տուժած բնակիչներուն աջակցելու համար երկու օդանաւով Սուրիա ուղարկուած է մարդասիրական օգնութիւն:
