100 սուրիահայեր մինչեւ նոյեմբեր պիտի տեղափոխուին Հայաստան: Լրագրողներու հետ հանդիպման ժամանակ յայտարարած է «Հալէպ» հայրենակցական բարեսիրական հ/կ տնօրէն Հայասա Թահմազեանը, կը յայտնէ Panorama.am-ը:
2015-ին, երբ բուռն կը ռմբակակոծուէին Հալէպի հայաբնակ թաղամասերը, Հայաստան հաստատուած մեծաթիւ սուրիահայեր կը դիմեն կազմակերպութեան` օգնելու Սուրիոյ մէջ գտնուող իրենց հարազատներուն, անոնց տրամադրելով միակողմանի տոմսեր:
«Կազմակերպութիւնը նախաձեռնեց «Փրկիր մի կեանք» ծրագիրը, ստացանք մօտ 600 դիմումագրեր, իրենց հարազատներին Հայաստան տեղափոխելու վերաբերեալ: Այս ընթացքում յաջողուել է ձեռք բերել 350 տոմսերի գումարներ, իւրաքանչիւր տոմսի գումարը 500 դոլար է: Այս պահի դրութեամբ ծրագրի շրջանակում 250 սիրիահայեր տեղափոխուել են Հայաստան, 100-ն էլ մինչեւ Նոյեմբեր կը տեղափոխուեն»,- ըսած է բանախօսը:
Վերջին երկու շաբաթներու ընթացքին դիմումներուն թիւը աւելցած է: Անոր խօսքով, շատ մարդիկ կը ցանկան Հայաստան գալ, սակայն չեն կրնար գտնել միակողմանի տոմսի գումարը:
