Պատուարժան խմբագրութիւն «Զարթօնք» Օրաթերթի՝
Այս երկտողով կու գանք մեր գնահատանքը յայտնելու Ձեր թերթին, Պրն. Վարդգէս Գուրուեանի «Կապոյտ Յիշատակներ Հրթեհուած Մելգոնեանէն» յօդուածաշարքին հրատարակութեան առիթով:
Մելգոնեանցիներուս համար այդ «Ոսկեշղթայ» յուշերը շատ ջերմութեամբ կ՝ընդունուին եւ կը կարդացուին մեր կողմէ, քանի որ անոնք մեզի ետ կը տանին 30, 40, 50 եւ աւելի տարիներ, եւ մեր պատանեկան անուշ օրերը կը վերապրեցնեն մեզի:
Յոյսով ենք, որ կը շարունակէք այդ «յուշեր»ուն հրատարակութիւնը եւ այդպիսով աւելի եւս ջերմացնէք մեր եւ ոչ-Մելգոնեանցիներուն հոգիները:
Յաջողութիւն եւ շնորհակալութիւն Ձեզ
Յարգանքներով
Արա Գուլեան
Մոնթրէալ, Գանատա
