ՀՀ ԿԱ ՊԵԿ նախաբացթողումային հսկողութեան վարչութիւնը, Բագրատաշէնի, Պաւրայի եւ Մեղրիի մաքսակէտերուն վրայ, կանխած է մաքսային կանոններու խախտման շարք մը փորձեր: Մասնաւորապէս, վարչութեան աշխատակիցները Բագրատաշէնի մաքսակէտին վրայ քանի մը դէպքերով յայտնաբերած են շուրջ 1,5 թոն թրքական եւ վրացական ծագման լոլիկ: Այս մասին տեղեկացուցած են ՀՀ ԿԱ ՊԵԿ տեղեկատւութեան եւ հասարակայնութեան հետ կապերու բաժինէն:
Մաքսանենգները համապատասխան ձեւակերպումներէ խուսափելու նպատակով` ապրանքը թաքցուցած են բեռնատար մեքենաներու բեռնախցիկներուն մէջ, յատուկ պատրաստուած թաքստոցներու մէջ:
Վարչութեան աշխատակիցները կանխած են նաեւ անօրինական ճանապարհով շուրջ 600 քկ մաքրող միջոցներու եւ 200 լիթր մեքենայի իւղի ներկրման փորձեր:
ՆՀՎ վարչութիւնը բացայայտած է չյայտարարագրուած շարք մը ապրանքներ եւս, ինչպէս` կենցաղային իրեր, ելեկտրական սարքեր, սննդամթերք, զարդեր եւ այլն: Եղած են նաեւ ապրանքներու թերյայտարարագրման, մաքսային ապահովման միջոցի վնասման եւ մաքսային կանոններու խախտման փորձեր:
