*ՍԵՒԱԿ ՅԱԿՈԲԵԱՆ*
Ծխախոտ գործածող ըլլանք կամ ոչ, բոլորիս ծանօթ է ծխախոտի տուփերուն վրայ գրուած Լիբանանի առողջապահութեան նախարարութեան յիշեցումը, թէ ծխելը պատճառ կը դառնայ վտանգաւոր եւ մահացու հիւանդութիւններու…:
Հետաքրքրական է իմանալ մեր հոգատա՜ր պետութեան մէկ այլ՝ կենսոլորտի նախարարութեան կարծիքը ի տես այն «զմայլելի» աղբակոյտերուն, որոնցմով լեցուն են մեր փողոցները ու անոր կեցուածքը քաղաքացիին առողջութեան հասցուած վնասին վերաբերեալ…:
Ի՜նչ հոգատար պետութիւն… ինչպէ՞ս հպարտ ու ապահով չզգալ ըլլալով քաղաքացիները անոր…:
Այսօրուայ համար այսքան կը բաւէ սիրելի ընթերցող: Վաղը դարձեալ կը հանդիպինք:
