Կիրակի, 03. 03. 2024

spot_img

Արցախի Նուիրուած Վաւերագրական Ֆիլմի Շնորհահանդէս Իտալիոյ Ռիմինի Քաղաքին ՄԷջ

Օգոստոս 23-ին Իտալիոյ Ռիմինի քաղաքի «Neri Conai» դահլիճին մէջ կայացաւ իտալացի լրագրող Ճիան Միքալեսինի «Լեռնային Ղարաբաղ. պատերազմի վերադարձը» վաւերագրական ֆիլմի շնորհահանդէսը: Ձեռնարկը կազմակերպած էր «Խաղաղութեան եւ ազատութեան միջազգային կեդրոնը»` Ռիմինիի 37-րդ հանդիպման ծիրէն ներս: Այս մասին կը յայտնեն ԱԳՆ մամուլի ծառայութենէն:

Ցուցադրութենէն առաջ ողջոյնի  խօսքով հանդէս եկան Իտալիոյ մէջ ՀՀ դեսպան Վիքթորիա Պաղտասարեանը, ֆիլմի հեղինակ Ճիան Միքալեսին եւ «Խաղաղութեան եւ ազատութեան միջազգային կեդրոնի» տնօրէն Ռոպերթօ Ֆօնթոլան:

Դեսպան Պաղտասարեան իր ելոյթին մէջ շնորհակալութիւն յայտնեց ֆիլմի հեղինակին` Արցախի, ինչպէս նաեւ հակամարտութեան գօտիին մէջ Ազրպէյճանի կողմէ սանձազերծուած ապրիլեան յարձակումներուն մասին ճշմարտութիւնը ներկայացնելու, ինչպէս նաեւ ձեռնարկի կազմակերպիչներուն` դեսպանութեան հետ սերտ համագործակցելու եւ ֆիլմի շնորհահանդէսը կազմակերպելու համար: ՀՀ դեսպանը հակիրճ ներկայացուց ղարաբաղեան հիմնահարցի պատմութիւնն ու էութիւնը: Դեսպան Պաղտասարեան ընդգծեց, որ Ճիան Միքալեսինի ֆիլմը ոչ միայն կը ներկայացնէ Լեռնային Ղարաբաղի ժողովուրդի պայքարի պատմութիւնը, այլեւ կոչ կ’ընէ անտարբեր չըլլալ մարդոց ու ժողովուրդներուն հանդէպ իրականացուող խտրականութեան ու բռնութեան հանդէպ:

3

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին