Նոյեմբեր 5-ի գործով դատավարութեան առաջին օրը, դատարանի բակին մէջ օդամղիչ ատրճանակով ոստիկաններուն ուղղութեամբ կրակելուն եւ քանի մը անձեր վիրաւորելուն համար՝ 9 տարուան բանտարկութեան դատապարտուած Հայկ Կիւրեղեան, աջակցութիւն յայտնեց Սասնայ Ծռեր խումբի անդամներ Արեգ եւ Սերկէյ Կիւրեղեաններուն: Այդ մասին յայտարարեց եղբայրներուն հայրը՝ Արմենակ Կիւրեղեանը: «Ան համոզուած է, որ հայ ժողովուրդին իրավիճակը կը փոխուի եւ իր աջակցութիւնը յայտնած է եղբայրներուն ու ըսած, որ Սասնա Ծռեր խմբակի կողքին կը կանգնի: Ան կը համարէ, որ անոնք հերոսներ են, որոնք իրենց կեանքը դրին զոհասեղանին», -ըսաւ Արմենակ Կիւրեղեան աւելցնելով, որ Հայկը այժմ բանտին մէջ կը զբաղի ինքնակրթութեամբ, շատ կը կարդայ եւ ժամանակը ի զուր չի կորսնցներ:
