*ՍԵՒԱԿ ՅԱԿՈԲԵԱՆ*
Հակառակ վերջին օրերուն արձակուած դրական նշոյլներուն՝ ինչ կը վերաբերի Լիբանանի նախագահական ընտրութիւններու շուտափոյթ կայացման, նամանաւանդ այն դրական սլաքներուն, որոնք արձակուեցան Հըզպալլայի կողմէ այս նիւթին ուղղութեամբ, ես կը մնամ թերահաւատ…:
Կը մնամ թերահաւատ սիրելի ընթերցող, որովհետեւ կը հաւատամ, որ ոչ մէկ ենթահող կայ տակաւին այս հարցին լուծման առընչութեամբ:
Հակառակ Հըզպալլայի ցոյց տուած դրական մթնոլորտին, ինք բոլորէն աւելի լաւ գիտէ, որ չկայ այդ հանգուցալուծումը ապահովող ենթահող…:
Լիբանանի նախագահի ընտրութիւնը սիրելի ընթերցող դուն ալ քաջ գիտես, որ ո՛չ մէկ ատեն եղած է «Լիբանանեան արտադրութիւն»… հետեւաբար ի չգոյէ Իրան-Սէուտական Արաբիա նուազագոյն հասկացողութեան ես կը հաւատամ, որ մենք տակաւին շատ երկար ժամանակ նախագահ պիտի չունենանք…:
Բարի լոյս սիրելի ընթերցող:
